انا و البطيخ وهوااك .. برنامج .. للحب.. و عن الحب

    شاطر
    avatar
    Doctor ramy
    ~®~°¤§ الـــريـــاســـة §¤°~®~°
    ~®~°¤§ الـــريـــاســـة §¤°~®~°

    عدد الرسائل : 231
    العمر : 31
    تاريخ التسجيل : 29/12/2008

    انا و البطيخ وهوااك .. برنامج .. للحب.. و عن الحب

    مُساهمة من طرف Doctor ramy في الأحد فبراير 01, 2009 5:54 am

    انا و البطيخ وهوااك .. برنامج .. للحب.. و عن الحب

    مع اوووسامة منير
    الحب

    ذلك الشعور السهلبيسي الذي يزعزغ عقول البشر

    و يهشك قلوبهم


    مستمعينا لسه بنتكلم عن الحب وحلقتنا النهارده عن

    الاستهبال في الحب
    معاكم اسامه منير علي نجوم fm مزيكا علي كيف كيفك

    في.. انا و البطيخ و هواك

    من دلوقتي ولمدة ساعتين
    مستنين تليفوناتكم علي 6066
    او علي 8555022
    او علي ايميل البرنامج
    علي هواك ات نيل راديو بروداكشن دوووت كوووم
    برعاية ابليس كومباني و ان تاتش و كريمات زحلقها



    دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
    و الشعور دا متولد و منبثق من الاحساس التواجدي الكوني في اللامركزيه العصبيه للقلب
    و دايما بتقابلنا مواقف كلها استهبال في الحب
    ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
    وخصوصا اننا جيل موبايلات و انتوا عارفين ان انا عندي 16 سنة فحاسس بيكم و حاسس بمشاكل الجيل كلها ...



    اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك امموووه
    تقولك انت بتستهبل يا حبيبي اتلم لساورس يشوفنا



    او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش
    و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
    فتضطر تصالحها بكارت ب 5 و تستهبل .. تلاقيها بتصرخ في وشك و تقول
    انت بتستهبل؟؟
    اقل من 200 متورنيش وشك



    و حبيبك اللي ييجي في اوقات يعمل فيها عالم فلك و يقولك انا بقرا الكف
    و يفضل يفعص في كف ايدك ولا كأنه شاف ايدين قبل كدا
    و في الاخر تقوليله
    انت بتستهبل ؟؟ حد يشوفنا
    و انتوا اساسا قاعدين في الشارع
    مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
    وممكن مغص كلوي


    مستمعينا مستني تليفوناتكم علي 6066
    او علي 8555022
    او علي ايميل البرنامج
    علي هواك ات نيل راديو بروداكشن دوووت كوووم
    برعاية ابليس كومباني و ان تاتش و كريمات زحلقها ياما زحلقها



    نستقبل اول اتصال تليفوني و نقول الوو

    الوو


    الووو


    الووووو

    واضح ان الخط قطع

    - الوو ايوا يا اثامه

    اهلا نتعرف بيكي ..

    - بثمه من بنــــــــــــــــها

    اهلا بيكي يا بسمه ياريت تعلي صوتك شويه

    - معلش يا اثامه اثل انا بتكلم من تحت البطنية ..

    مفهوم طبعا عشان محدش يقفشك و انت بتتكلمي
    بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

    - بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث
    و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت ..


    هو بيضحك وفاتح بقه زي الحمار اهوه و بيقولك
    مرسي ليكي يا بسمه


    - يا اثامه انا بكلمك عشان الحلقة بتاعتك النهارده مخثوث عشاني
    انا كنت بحب واحد و انا في 2 ابتدائي و فضلنا نحب بعض للجامعة


    جميل


    - اهـء اهـء اهـء


    لا اهدي يا بسمه و قوليلي ايه اللي حصل

    - يا اثامه اخد كل حاجة كل حاجة

    اححمم
    حتى الموبايل


    - يا اثامه بقولك كل حاجة
    اهـء هـء هـء

    طيب اهدي يا بسمه
    بصي يا بسمه
    الحب شعور متبادل بين اتنين
    مينفعش طرف واحد من غير الطرف الاخر و لازم الاتنين يكونوا متفاهمين و متعاونين
    هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
    برغوته الجديدة حل المشكله
    مستمعينا نسينا نقول ان تايد من رعاة البرنامج
    مع تاااااايد في الغسيل مفيش مستحييل
    بشكرك يا بسمه علي اتصالط و بهديلك اغنية السوبر ستار عمرو دياب ....


    يا قاعدة علي الترعه و بتغسلي المواعين
    جاتك ستين وكسه دا شرفك بقا في الطين




    نص ساعة اعلانات ..



    _________________


    أن اغمض عيني فأراك ,,,, وأن أخلو بنفسي فأراك ,,,,
    وأن اقف أمام المرأه فأراك ,,,, وأن ألمح هداياك فأراك ,,,,
    وان أقرأ رسائلك فأراك ,,, وعندما أعود لواقعي ,,, لا أراك ,,,

    فهذا هو الحزن ....
    avatar
    رومانسيه الحب
    عضو جديد
    عضو جديد

    عدد الرسائل : 9
    تاريخ التسجيل : 01/02/2009

    رد: انا و البطيخ وهوااك .. برنامج .. للحب.. و عن الحب

    مُساهمة من طرف رومانسيه الحب في الأحد فبراير 01, 2009 6:02 am

    جااااااامدة مووووووووووووووت
    avatar
    كريم المانسترلي
    عضو سوبر
    عضو سوبر

    عدد الرسائل : 2
    العمر : 34
    تاريخ التسجيل : 15/02/2009

    رد: انا و البطيخ وهوااك .. برنامج .. للحب.. و عن الحب

    مُساهمة من طرف كريم المانسترلي في الأحد فبراير 15, 2009 2:45 pm

    هي جامدة وحلوووووووووووووة
    بس فاااااااااااااااااااااااكس
    يا ابو رامي في حواديت عندك احلي من كده
    يامان
    عمو

    كريم المانسترلي يا برنس

      الوقت/التاريخ الآن هو السبت نوفمبر 18, 2017 4:44 am