غُـلُبـت أصــالــح فــي روحـــي...!

    شاطر
    avatar
    Admin
    ~®~°¤§ الـــريـــاســـة §¤°~®~°
    ~®~°¤§ الـــريـــاســـة §¤°~®~°

    عدد الرسائل : 362
    العمر : 30
    تاريخ التسجيل : 29/12/2008

    غُـلُبـت أصــالــح فــي روحـــي...!

    مُساهمة من طرف Admin في الجمعة يناير 09, 2009 12:42 pm

    كتير من البشر بيحبوا اللى يخدعهم وأحيانا اللى بيكون صريح معاهم بيكون غلطان فى موقفه ده .. يمكن كلامي ده ينطبق على سؤال مهم وهو لو فيه بنت كانت بتحب شاب ومتفقين على الجواز والعملية انتهت بدون اى تجاوزات حدثت بين الطرفين هل من المفترض ان البنت تحكي القصة دى كلها للزوج المتقدم لها ولا لأ ؟! ..وقبل ما نجاوب على السؤال ده تعالوا أحكلكم قصه من دراما الحياة لبنت كانت تحب شاب زميل لها فى الجامعة ثم تقدم لها هذا الشاب بعد التخرج وكالعادة ابوها رفض الشاب ده لأن ظروفه المادية كانت مش ولابد حبتين .. بعدها بفترة تقدم لها واحد قريبها ووافقت عليه ولكن قبل ما تتخطب له قالت له انها كانت بتحب شاب وكانوا متفقين على الزواج وانتهى كل شىء ، فسألها إن كان حصل بينهم اى تجاوزات، قالت له لأ قالها وأنا موافق وتمت الخطبة والزواج وخلفوا عيل زى العسل .

    ورغم ده فضلت فى نفس الراجل بذور الشك انها لسه بتحب الشاب ده رغم ان مفيش اى دليل على شكه ده .. وفى يوم كان الراجل ده هو زوجته وابنهم فى النادي وقابلت واحدة زميلتها من ايام الجامعة ولما سألتها عن إسم ابنها قالت لها فلان ، فإبتسمت الصديقة فى خبث لان ده نفس اسم الشاب اللى كانت بتحبه قبل كده ، وطبعا الزوج لمح ده وفهم ولما رجعوا البيت بدء الاستجواب وبكت الزوجة من ضغط الزوج عليها وقالتله انها موش هى اللى اختارت اسم ابنها وانه هو – اى الزوج- اللى اختار اسمه ، طبعا الزوج اندهش لكن واصل عناده وقال كان المفروض ترفضي ان اسمى ابنى بالاسم ده وكبرت المشاكل بينهم بسبب الموقف ده .

    هى دى الحكاية ونرجع لسؤالنا هل من المفترض ان البنت تحكي قصة حبها للزوج المتقدم لها ولا لأ ؟! أم ان الحكاية دى بتعتبر من الماضى اللى موش من حقه انه يعرفه طالما محصلش فيه حاجه غلط ؟! وفى قصتنا دى كانت البنت صريحة جدا وقالت كل حاجه للزوج المتقدم وانها خلاص موش بتفكر فيه وهو وافق وقبل صراحتها يبأه على اى أساس يفضل معيش نفسه فى نكد وهم وحزن ووسواس ! لو مكنش قد الموافقة مكنش وافق من الاول .

    بعدين ننظر للبنت وصراحتها ونحترم فيها ده كله والاهم إننا نتعامل مع المرأة إنها كائن حي لها قلب من حقها انها تحب فى أى مرحلة من حياتها وموش ممكن نيجى نحاسب المرأة على ميل قلبها طالما لم تخالف الأصول ، هل من الممكن انى أروح علشان أتجوز واحدها وأحاسبها علشان حبت قبل ما تعرفني! لو عملت كده أكون ظالم لها ، هى من حقها تحب لكن مفتاح القضية دى هل هى نست حبها القديم ولا لسه عايشه فى دايرته المغلقة ؟! بطلة حكايتنا أغلقت ملف حبها القديم وصارحت المتقدم بده وده دليل على انها حسنة النية أما زوجها فرغم انه وافق فهو منساش للحظة اللى حكتهوله وظل عايش فى الوهم ده من قبل حتى ما يقابل صحبتها لدرجه انه نفسه نسى انه هو اللى سمى الولد بالاسم ده موش هى ، لكن علشان الوسواس مسيطر عليه عاند وقال كان المفروض انها ترفض الاسم ، وهو منطق غلط أساسا لان اعتراضها على الاسم دليل على انها منستهوش وانه حيذكره بيها وحيزيد شك الزوج اكتر لكن ده دليل انه موش فارق معاها .

    دى قصة من دراما الحياة تخلينا نتساءل هل من المفترض ان البنت تحكي قصة حبها للزوج المتقدم لها ولا لأ ؟! أنا شايف وبكل أمانه إنها لا تحكي ، طالما أولا هى نست الحب ده، ثانيا مكنش فيه تجاوزات ، ثالثا لو هو مسألهاش ، وأنا موش شايف ان ده فيه خداع لان أى إنسان له قلب ومشاعر ممكن يحب ويتحب وده فى حد ذاته موش عيب لكن العيب انه ده يقترن بالغلط ، لكن طالما الانسان مغلطش ليه يعيش فى دائرة ( غلبت اصالح فى روحي) على مشاعر نبيلة الايام نهتها ، أعتقد أن الامور دى ونظرتنا ليها بتختلف من شخص للتاني وأحب أسمع اراءكم فيها .

    بقلمي
    my alaooooo
    avatar
    Doctor ramy
    ~®~°¤§ الـــريـــاســـة §¤°~®~°
    ~®~°¤§ الـــريـــاســـة §¤°~®~°

    عدد الرسائل : 231
    العمر : 30
    تاريخ التسجيل : 29/12/2008

    رد: غُـلُبـت أصــالــح فــي روحـــي...!

    مُساهمة من طرف Doctor ramy في الجمعة يناير 09, 2009 12:48 pm

    بص يا احمد مفيش حاجه بتستخبي
    البنت لازم تقول لجوزها علي كل ماضيها لانه لوعرف بعد كده هتبقي مشكله كبيره
    بس في حاجه الزوج فعلا هيشك في اي حاجه بتعملها مراته لانه عارف انها كانت بتحب حد قبله واللي بيحب مش بينسي وهيفضل الوسواس ده بيطارده ويطاردها يعني كده خربانه وكده خربانه
    علشان كده الاسلام بتاعنا جميل اوي
    وحرم العلاقات اللي قبل الزواج
    منعا للمشاكل
    اسلامنا مش بيخنق علينا اسلامنا ده جميل اوي وبيفهمنا كل حاجه ولو مشينا علي نهجه محدش هيتعب
    تقبل مروووووووووووووووري

    آسلام شقى
    عضو جديد
    عضو جديد

    عدد الرسائل : 117
    تاريخ التسجيل : 17/01/2009

    رد: غُـلُبـت أصــالــح فــي روحـــي...!

    مُساهمة من طرف آسلام شقى في السبت يناير 17, 2009 7:33 am

    لك مني كل الشكر والتقدير
    سلمت يداك

    elkarnk
    عضو جديد
    عضو جديد

    عدد الرسائل : 4
    تاريخ التسجيل : 21/01/2009

    موضوع مهم جدا

    مُساهمة من طرف elkarnk في الأربعاء يناير 21, 2009 5:31 am

    الحب شئ جميل والجميل انو احنا نحافظ عليه مدي الحياة ومش معني اني بحب انسان يبقي كان فيه علاقه مش كويسه الحب عمرو ما كان بالمنطلق دا
    خليني اعرف يعني ايه حب اولا
    الحب هو تلاقي الارواح دون الاجساد
    أذا تلاقت الارواح واحتقنت بترياق الحب اذا لا يفترقا الي الابد ............... من هذا المنطلق نقول لا احد يقدر علي ان يمتلك حب احد بمجرد الزواج فأن الزواج يملكهم جسد لا روح والحب الجسدي ينتهي عند انتهاء الجسد (حب الشهوه)
    اما اذا عدنا حيث القضيه المطروحه فأنها غير مخطئه بالمره في صراحتها مع زوجها فهذا واجب عليها
    اما بالنسبه للزوج فهو اللذي وافق منذ البدايه !!!!!!!!!!!!!!

    [center]تقبل مروري

      الوقت/التاريخ الآن هو السبت أبريل 29, 2017 7:20 pm